Arsenali e ka fituar ndeshjen kryesore të xhiros së pestë të fazës së Ligës së Kampionëve. Në “Emirates”, Arsenali fitoi 3:1 ndaj Bayern Munchenit.
Ishte përballje e ekipeve që kishin vetëm fitore në katër xhirot e para, por tash Arsenali ka fituar të gjitha pesë ndeshjet në Champions. Arsenali udhëheq në tabelë me 15 pikë, tri më shumë se PSG-ja, Bayerni, Interi dhe Real Madridi.
Ndeshja në “Emirates” ishte shumë interesante.
Për 1:0 në të mirë të Arsenalit shënoi Jurrien Timber në minutën e 22-të. Dhjetë minuta më vonë, supertalenti 17-vjeçar Lennart Karl barazoi rezultatin në 1:1. Me këtë rezultat përfundoi pjesa e parë.
Noni Madueke ktheu epërsinë e Arsenalit me golin për 2:1 në minutën e 69-të. Kurse, Gabriel Martinelli shënoi për 3:1 në minutën e 77-të, duke shfrytëzuar një dalje të gabuar të Manuel Neuerit.
Ndeshja që u zhvillua në “Emirates”, në Londër, u transmetua në RTK.