Mesfushori me prejardhje shqiptare i Sunderlandit, Granit Xhaka, po kalon një sezon mbresëlënës më rikthimin në Premierligë.
33-vjeçari është shndërruar në lojtarin kryesor të skuadrës së Sunderlandit duke u bërë një nga figurat më të rëndësishme të mesfushës në ligë.
Platforma prestigjioze e statistikave “WhoScored” e ka vlerësuar Xhakën me notën 7.37, duke e pozicionuar si mesfushorin më të vlerësuar në Premierligë këtë sezon.
Ai ka lënë prapa emra të mirënjohur si Declan Rice, Moises Caicedo, Bruno Fernandes dhe Dominik Szoboszlai.
Kontributi i tij në fushë është konkret: një gol dhe tre asistime deri më tani në kampionat, duke ndikuar drejtpërdrejt në rezultatet e Sunderlandit.
Xhaka u transferua te skuadra angleze gjatë verës nga Bayer Leverkusen, në një marrëveshje prej 15 milionë eurosh, dhe tashmë po dëshmon se ishte një nga blerjet më të goditura të klubit për këtë sezon./Rtk/