Shpirtit të regjur dhimbjes
Valëvitet hijshëm flamur i paqes
S’ka vend për dyzim mendimesh
As për më të voglën pendesë.
Fjalët e heshtjes etur për një zë
Të shpalosin ndjenjën e ndrydhur
Nën ndikimin parësor të mosdijes
Të mosbesimit në ekzistencën e dritës.
Buzët e dashurisë përherë të uritura
Dridhen nën efektin fotoelektrik të puthjes
Të gatshme të digjen si drurët e oxhakut
Për të ripërtërirë përsëri nga hiri.