Lozanë, Zvicër – Më 15 dhe 16 nëntor 2025, qyteti i Lozanës do të mirëpresë Festivalin Folklorik Mbarëkombëtar “Ilirët Jehojnë”, një prej ngjarjeve kulturore më përfaqësuese të komunitetit shqiptar në diasporë. Në këtë ditë do të kremtohet dita e Flamurit me të ftuar special aktorin me fame botërore zoti Xhevat Limani. Ky edicion premton një program të zgjeruar dhe një atmosferë madhështore, duke mbledhur ansamble folklorike, këngëtarë, valltarë dhe artizanë nga të gjitha trojet shqiptare dhe nga komunitetet shqiptare në Evropë.
Festivali synon te ruajë dhe promovojë trashegiminë kulturore mbarëkombëtare permes kenges, valleve, kostumeve tradicionale dhe aktiviteteve kulturore shoqëruese.
Festivali organizohet nen drejtimin e Fatime Kalimashit, ndërsa në Keshillin Organizator marrin pjesë edhe Prof.
Dilaver Kryeziu, Isak Aliaj dhe SHKA Ilirët.
Juria perbëhet nga profesorë dhe studiues te njohur të muzikës dhe folklorit: Prof. Dilaver Kryeziu, Prof. Sami Piraj dhe Emir Dizdari.
Moderimin e mbrëmjeve do ta bëjnë Defrim Methasani dhe Mirjeta Aliaj.
Organizatorët theksojnë se ky festival është një moment i rëndësishëm bashkimi për diasporën shqiptare. “’Ilirët Jehojnë’ është jo vetëm një manifestim artistik, por një frymë bashkërendimi që rikujton rrënjët tona dhe e çon trashëgiminë tonë te brezat e ardhshëm,” u shprehën ata.
Programi Artistik
Nata e Parë – 15 Nëntor
17:00 – Mbërritja e grupeve artistike dhe përgatitja
17:30 – Pritja e mysafirëve
18:30 – Hapja zyrtare e Festivalit nga Drejtoresha Fatime Kalimashi
Hapja e programit me një pikë valle nga
SHKA “Ilirët, grupi i të rriturve.
Aktori Xhevat Limani recital për nder të 28 Nëntorit Ditës së Flamurit
Performojnë:
Shoqata “Bashkimi” – Uster
Shoqata “Pavarësia” – Shtutgart, Gjermani
Shoqata “Ilirët” – St. Gallen
Shoqata Kulturore “Sharri” – St. Gallen
Grupi i Valltarëve “Shqiponjat” – Itali
SHKA “Ilirët” – Lausanne
Nata e Dytë – 16 Nëntor
14:00 – Mbërritja e grupeve
14:30 – Pritja e mysafirëve
15:00 – Hapja zyrtare e natës së dytë
Performojnë:
Ansambli “Gëzuar” – Gjenevë
Shka “Teuta ” – Lozanë
Ansambli “Trojet” – Winterthur
Rapsodët – Gjenevë
Shka AlbaKult – Bern
“Rinia Kontakt” – Gjenevë
SHKA “Ilirët” – Lozanë (ritakimi final)
Mysafirë nderi të natës së dytë:
Flamur Shala, Eljona Bytyqi dhe Bashkim Morina
Edicioni i parë i ‘Ilirët Jehojnë’ Festivali Folklorik Mbarëkombëtar një traditë që fillon sot dhe do vazhdoj përjetë ndër breza.
Lozana pritet të shndërrohet për dy ditë në qendrën e këngës, vallës dhe traditës shqiptare, duke dëshmuar edhe një herë gjallërinë e kulturës sonë në mbarë botën.