Trajneri i Juventusit, Luciano Spalletti, ka thurur lëvdata për sulmuesin kosovar, Edon Zhegrova, pas barazimit pa gola të “Zonjës së Vjetër” ndaj Torinos në Serie A.
Zhegrova hyri si zëvendësues dhe la një përshtypje pozitive me lojën e tij, pavarësisht që nuk shënoi.
Spalletti theksoi se sulmuesi i Kombëtares së Kosovës, është i mençur dhe se klubi duhet të përfitojë nga aftësitë e tij.
“Nuk do të duhet shumë kohë që ta kemi në formën më të mirë. Djaloshi është i mençur, por sigurisht duhet ta luajmë atë lojë,” tha Spalletti.
Ai shtoi se Zhegrova mund të bëhet një “gjemb në anën tonë” për kundërshtarët, duke eksperimentuar me lëvizje të papritura në fushë.
“Së bashku me Yildiz, kemi disa ‘municione’ në ato zona të fushës. Mund të luajmë me dy sulmues dhe ta provojmë këtë skemë. Openda mund të jetë sulmues i parë ose i dytë, kështu që është e realizueshme. Mund të luajmë edhe me një formacion 4-3-3,” deklaroi Spalletti.
Pas kësaj ndeshjeje, Zhegrova do të udhëtojë drejt Kosovës, pasi është ftuar nga trajneri Franco Foda për dy ndeshjet e muajit nëntor ndaj Sllovenisë dhe Zvicrës./Rtk/