Sjelljet e futbollistëve, shpërqendrimi dhe interesat individualë mbi ato kolektivë, thuhet se janë disa nga arsyet kryesore pse Hansi Flick ka njoftuar largimin nga skuadra e Barcelonës.
Prestigjiozja spanjolle, ‘ABC’, ka raportuar të mërkurën se trajneri gjerman Hasni Flick ka njoftuar klubi blaugran se do të largohet në fund të këtij sezoni.
Sipas mediumit spanjoll, Flick është shprehur i zhgënjyer me atmosferën në skuadër.
Gjermani thuhet se ia ka bërë të ditur drejtuesve të klubit se është i lodhur dhe se e ka të pamundur ndryshimin e mentalitetit të ekipit.
Sjellja e futbollistëve, shpërqendrimi, interesat individualë mbi ato kolektivë, thuhet se janë disa nga arsyet pse Flick ka vendosur të largohet.
Një ndër temat kryesore që thuhet se e ka shqetësuar trajneri gjerman sipas ‘ABC’, thuhet se është Lamine Yamal.
Yamal raportohet se ka privilegje nga klubi, duke sjellë përplasje me stafin tekniku.
Talenti spanjoll thuhet se mungon në seanca stërvitore për t’u shfaqur në eventet mediatike. Yamal thuhet se kishte udhëtuar drejt Milanos pas humbjes nga Real Madridi edhe pse pjesa tjetër e skuadër ndodhej në stërvitje.
Klubi nuk ka dalë akoma me ndonjë reagim, megjithatë raportimi i ‘ABC’ është shpërndarë në të gjithë botë.
Flick kishte marrë drejtimin e Barcelonës në maj të vitit 2024. Ai ka kontratë me klubin blaugran deri në verën e vitit 2026./Front online/