Sa shpejt kalon jeta
dhe ikim nga kjo botë,
rrallë lëmë kujtime
jeta na shkon kot.
T’u lëmë breznive të reja
këshilla e sugjerime,
do të na kujtojnë
ndonjëherë me përmallime.
Secili që jeton
duhet për të menduar,
se nga kjo botë
ka për t’u larguar.
Por, të rrallë janë ata
që kështu mendojnë
dhe jetën e vet
nuk dinë ta gëzojnë.
Dy metra vend
do t’jenë prona jote,
atëherë lamtumirë
i thua kësaj bote!
Asgjë s’merr me vete
rrobat i lërë shkret
pse kurrë s’mendon
që atje je vetë?!
Bëhu i durueshëm
dhe mos bëj ngatërresa,
dije fort mirë
në atë botë ke pengesa.
Çmoje këtë jetë
dhe jeto me nder
mos kalo kohën kot,
mos u bëj pa vlerë.
Respekto tokën
që bukën siguron,
dije fort mirë
prej saj s’ke ku shkon.