Ankthi po rritet në Barcelonë për gjendjen e Lamine Yamal, pasi sipas raportimeve nga Spanja, anësori i ri mund të diagnostikohet me një herni kronike sportive.
Sipas Sport, Yamal vuan nga pubalgjia, një gjendje e njohur zakonisht si hernia sportive.
Kjo shkakton tkurrje të muskujve në zonën pubike, duke çuar në shqetësime të vazhdueshme.
Talenti 18-vjeçar ka humbur tashmë pesë ndeshje këtë sezon për shkak të problemeve me ijën. Nuk ka një zgjidhje të dukshme për problemin dhe klubi ka frikë se dëmtimi mund të bëhet kronik.
Është interesante që edhe Lionel Messi u përball me një dëmtim të ngjashëm në rininë e tij. Në një intervistë të vitit 2019, argjentinasi pranoi: “Pubalgjia nuk është shaka. Kam luftuar me të për një kohë të gjatë, nuk mund të stërvitesha me forcë të plotë dhe kam humbur ndeshje. Nuk mund ta heqësh qafe menjëherë – trajtimi kërkon kohë”. /Klankosova.tv