Bayern Munich ka shënuar fitoren e radhës në Bundesligë.
Bavarezët triumfuan 3:0 në shtëpi ndaj Bayer Leverkusenit në kuadër të javës së nëntë në elitën e futbollit gjerman.
Gnabry kaloi vendasit në epërsi në minutën e 25-të të ndeshjes, shkruan Gazeta Express.
Nicolas Jackson e dyfishoi epërsinë gjashtë minuta më vonë, kurse Bade shënoi autogol në të 44-tën për epilogun e këtij takimi.
Me këtë fitore, Bayern Munich e përforcon vendin e parë me 27 pikë, pesë më shumë se Leipzig i vendit të dytë.
Kurse, Bayer Leverkusen mbetet me 17 pikë në pozitën e pestë në tabelë. /Gazeta Express/