Mesfushori holandez Frenkie de Jong ka nënshkruar kontratë të re me Barcelonën, e cila do ta mbajë atë në “Camp Nou” deri në vitin 2029.
Lajmi është konfirmuar të mërkurën nga vetë skuadra spanjolle përmes rrjeteve sociale.
Njëzet e tetë vjeçari i është bashkuae Barcelonës në vitin 2019 nga Ajax dhe tashmë është në sezonin e tij të shtatë me klubin katalanas. Gjatë kësaj kohe, ai ka fituar dy tituj të La Ligës dhe dy Kupa të Mbretit.
Edhe pse ka kaluar periudha me luhatje në formë, De Jong është shndërruar në një prej figurave kryesore të mesfushës nën drejtimin e trajnerit Hansi Flick, shpeshherë edhe me shiritin e kapitenit në krah.
Sipas mediave spanjolle, lojtari ka pranuar një ulje page në kontratën e re, e cila do të hyjë në fuqi nga sezoni 2026/27, në kuadër të përpjekjeve të klubit për të stabilizuar financat./rtk/