E ardhmja e Robert Lewandowskit te Barcelona mbetet e paqartë dhe, sipas gazetarit të njohur italian Fabrizio Romano, ka gjasa të mëdha që sulmuesi polak të largohet në fund të këtij sezoni.
Lewandowski, i cili tashmë është 37 vjeç, nuk është njoftuar ende nga drejtuesit katalanas për ndonjë vendim konkret lidhur me të ardhmen e tij. Megjithatë, klubi po planifikon një rindërtim të skuadrës për verën e ardhshme dhe pritet të analizojë me kujdes opsionet në repartin e sulmit.
Kontrata e Lewandowskit është e vlefshme deri në vitin 2026, por mosha dhe paga e lartë e tij mund të bëhen faktorë që do të ndikojnë në vendimin përfundimtar të Barcelonës.
, polaku ka qenë ende një pjesë e rëndësishme e skuadrës, duke shënuar pesë gola deri më tani në sezonin aktual.
Deri tani nuk kanë nisur bisedime formale për largimin e tij, por situata pritet të bëhet më e qartë në muajt në vijim, ndërsa klubi përgatitet për ndryshime të rëndësishme në strukturën e ekipit.