Një rrahje ka ndodhur mes disa personave në sheshin “Nëna Terezë” në Prishtinë. Zëdhënësi i Policisë për Prishtinën, Agron Borovci, i tha Gazetës Express se ka shoqëruar pesë persona në stacionin policor.“Rreth orës 12:30 është pranuar informata për një rrahje në mes të disa personave, të ndodhur në sheshin “Nëna Terezë” në Prishtinë. Policia ka dalë në vendin e ngjarjes, ka ndërmarrë veprimet e nevojshme dhe ka shoqëruar në stacionin policor pesë persona.”
Po ashtu tre persona të lënduar kanë marrë trajtimin e nevojshëm mjekësor.
Aktualisht po ndërmerren të gjitha veprimet e nevojshme operativo-policore me qëllim të zbardhjes së plotë të të gjitha rrethanave që karakterizojnë ngjarjen”, tha Borovci për Express.