Torino ka marrë një fitore të madhe në udhëtim, duke mposhtur Romën me rezultat 1-0 në kuadër të javës së katërt të Serie A.
Në këtë përballje, torinezët kishin titullarë dy futbollistët shqiptarë, Ardian Ismajli dhe Kristjan Asllani, të cilët zhvilluan një ndeshje të fortë, ndonëse të dy u ndëshkuan me karton të verdhë.
Roma pati iniciativën gjatë shumicës së lojës, por ishte Torino ajo që shfrytëzoi rastin vendimtar.
Giovanni Simeone realizoi golin e vetëm të takimit në minutën e 59-të, duke i dhënë ekipit të tij një triumf me shumë vlerë.
Me këtë fitore, Torino ngjitet në vendin e shtatë të renditjes me katër pikë, ndërsa Roma mbetet e katërta me gjashtë pikë./RTK LIVE/