Ragip Xhaka, babai i futbollistëve Granit dhe Taulant Xhaka, ka reaguar përmes një postimi publik ndaj komenteve kritike dhe fyese që, sipas tij, po bëhen ndaj djalit të tij, Granitit.
Ai thotë se zakonisht nuk ndërhyn në polemika publike, por këtë herë ndjen detyrim të flasë. Xhaka i drejtohet atyre që e sulmojnë Granitin në rrjete sociale, duke i kritikuar për gjuhën e përdorur dhe për mungesën e vlerësimit ndaj asaj që ai dhe familja e tij kanë bërë për imazhin e shqiptarëve.
Në postim, ai përmend kontributin e Granitit në përfaqësimin me dinjitet të shqiptarëve në Zvicër dhe në arenën ndërkombëtare, si dhe qëndrimet e tij publike për çështje që lidhen me Kosovën dhe Shqipërinë.
Ragip Xhaka gjithashtu përkujton momente të rëndësishme, si ndeshjen në Beograd dhe gjestin e shqiponjës në Botërorin e Rusisë, duke theksuar se vëllezërit Xhaka nuk e kanë mohuar kurrë prejardhjen e tyre shqiptare./Demokracia.com/