Zëdhënësi i Kremlinit, Dmitry Peskov, deklaroi të premten se një takim i ardhshëm mes presidentit rus Vladimir Putin dhe presidentit amerikan Donald Trump mund të organizohet në të ardhmen e afërt, nëse të dy udhëheqësit e konsiderojnë të nevojshëm. Ai iu referua takimit të fundit të zhvilluar në Alaska si një shembull se një takim i tillë mund të organizohet së shpejti.
Kontaktet e punës po zhvillohen gjatë gjithë kohës,” tha Peskov, duke shtuar se organizimi i një takimi tjetër do të jetë i mundur në bazë të vlerësimeve të të dy liderëve.
Moska ka refuzuar prej kohësh çdo sugjerim për praninë e trupave të huaja në Ukrainë, duke e konsideruar këtë një kërcënim për sigurinë kombëtare.
Putin theksoi se “nëse arrihen vendime që çojnë në paqe afatgjatë, nuk shoh asnjë kuptim të pranisë së tyre në territorin e Ukrainës” dhe shtoi se Rusia do të respektojë plotësisht çdo marrëveshje të arritur.
Presidenti rus përsëriti ofertën e tij të refuzuar për të organizuar bisedimet e ardhshme të paqes në Moskë, duke garantuar kushte dhe siguri./EURONEWS.AL/