Kombëtarja e Kosovës në futboll ka udhëtuar paradite për në Basel, ku të premten zhvillohet ndeshja me Zvicrën. Ndeshja do të fillojë në orën 20:45 dhe do të transmetohet ekskluzivisht në RTK.
Te Kosova ka optimizëm për fillim të mbarë të kualifikimeve për Kupën e Botës 2026. Sipas njoftimit të FFK-së, lojtarët e kombëtares janë shumë të motivuar.
Ndërsa, gazeta zvicerane “Blick” ka shkruar se të gjitha biletat për ndeshjen Zvicër-Kosovë, janë shitur.
Sipas kësaj gazete, shitja e biletave nuk është aspak i befasishëm duke pasur parasysh diasporën e madhe shqiptare në Zvicër.
“Siç pritej, biletat e St. Jakob Park janë shitur plotësisht paraprakisht për duelin kundër Kosovës. Ashtu si në ndeshjen kualifikuese të Kampionatit Evropian në nëntor 2023, është mjaft e mundur që një pjesë e madhe e tifozëve në Joggeli do të mbështesin ekipin mysafir”, ka shkruar “Blick”,/Rtk/
