Mesfushori shqiptar, Kristjan Asllani, është gati të nisë një kapitull të ri në karrierën e tij, pasi pritet të prezantohet sot zyrtarisht si lojtar i Torinos. Megjithatë, 23-vjeçari nuk do të jetë i gatshëm të debutojë menjëherë, sidomos në sfidën hapëse të Serisë A, pikërisht përballë ish-skuadrës së tij, Inter.
Sipas raportimeve të ‘Corriere dello Sport’, Interi ka punuar gjatë gjithë verës për të gjetur një zgjidhje për të ardhmen e Asllanit, i cili nuk bënte pjesë në planet e klubit për sezonin e ri. Mesfushori, që u bashkua me zikaltrit nga Empoli në verën e vitit 2022, nuk arriti të bindë gjatë tri sezoneve të tij në Milano, pavarësisht disa paraqitjeve të mira.
Gjatë merkatos, disa klube shfaqën interesim për shërbimet e tij. Real Betis provoi merrte në La Liga, por lojtari preferoi të qëndronte në Itali. Në ditët e fundit, Bologna dhe Torino ishin më të avancuar në negociata, por Asllani refuzoi ofertën e kuqebluve, duke zgjedhur Torinon, me të cilën arriti akordin përfundimtar.
Mesfushori kuqezi kreu dje vizitat mjekësore me Torinon dhe sot pritet të prezantohet para medieve dhe tifozëve. Megjithatë, burime pranë klubit piemontez bëjnë të ditur se ai nuk do të jetë ende gati për ndeshjen e parë të kampionatit, e cila do të luhet të hënën, ndaj Interit, skuadër që zotëron kartonin e tij.
Ky hap i ri mund të jetë një mundësi e rëndësishme për Asllanin që të gjejë hapësirat dhe besimin e munguar në/Syri net/