Kanë mbërritur këtë të shtunë në Shqipëri dy helikopterë ‘Black Hawk’, të cilët do t’i shtohen forcave ajrore të vendit.
Lajmi është bërë publik nga ambsada amerikane në Tiranë, ku përmes një postimi në “X” nënviozhet se helikopterët do të ndihmojnë në shtimin e aftësive të Forcave Ajrore të Shqipërisë.
Blerja e helikopterëve Black Hawk është mbështetur me mbi 50 milionë dollarë nga fondet e ndihmës së Shteteve të Bashkuara të Amerikës.
– Advertisement –
“Mbërritje historike e helikopterëve të parë UH-60 Black Hawk të Shqipërisë. Një avion transportues C-17 i Shteteve të Bashkuara erdhi sot në Tiranë për të dorëzuar porosinë e parë të Shqipërisë për helikopterë Black Haëk, mbështetur me mbi 50 milionë dollarë nga fondet e ndihmës së SHBA. Helikopterët e rinj do të ndihmojnë në forcimin e aftësive të forcave ajrore të Shqipërisë dhe aftësinë për të kryer evakuim mjekësor, rikuperim të personelit, misione kërkim-shpëtimi, si dhe mbështetje të lëvizjeve logjistike të NATO-s për operacione dhe stërvitje. Shtetet e Bashkuara janë krenare për partneritetin e fortë me Shqipërinë në fushën e mbrojtjes”- thuhet në njoftimin e ambasadës së SHBA.
