Milan dhe Club Brugge janë shumë pranë arritjes së një marrëveshjeje për transferimin e mesfushorit kosovar Ardon Jashari.
Kuqezinjtë e kanë ndjekur njëzet e një vjeçarin prej javësh dhe tani duket se gjithçka po shkon drejt finalizimit.
Sipas raportimeve të fundit, oferta e Milanit, e udhëhequr nga drejtori sportiv Igli Tare, mbetet e njëjtë financiarisht: 33.5 milionë euro plus bonuse që e çojnë shifrën në gati 38 milionë euro, por ka ndryshuar në aspektin e planit të pagesës, duke e zgjatur periudhën e shlyerjes në katër vjet në vend të pesë.
Aktualisht, kontaktet mes palëve janë intensive dhe, sipas burimeve nga Belgjika, marrëveshja është shumë afër, me Jasharin që pritet të nënshkruajë një kontratë pesë vjeçare me gjigantin italian./RTK LIVE/