Nënkampioni i Kosovës në futboll Ballkani, sot do ta zhvillojë ndeshjen e kthimit në UEFA Conference League.
Skuadra nga Suhareka, thuajse e ka kryer punën për kalimin në fazën tjetër të kësaj gare, pasi që në ndeshjen e parë në “Fadil Vokrri” ka fituar me rezultat 4:2.
Ndeshja Floriana – Ballkani, do të luhet me fillim nga ora 20:45, në stadiumin “Hibernians Ground”.
Po ashtu sonte, një skuadër tjetër kosovare do të luajë në këtë garë.
Prishtina do të luajë në “Fadil Vokrri” kundër Larnes, transmeton Klankosova.tv.
Ekipi nga kryeqyteti do të kërkojë fitore për të kaluar tutje në fazën tjetër, pasi që loja e parë ka përfunduar 0:0./Demokracia.com/