Mirlind Daku ia ka vërtetuar sot në fushën e lojës skuadrës së Zenit Shën Petersburg gabimin e madh që bëri gjatë verës, duke mos paguar milionat që kërkonte Rubin Kazan për të lënë të lirë sulmuesin e Kombëtares shqiptare.
Daku ishte protagonisti i ndeshjes mes dy skuadrave, duke shënuar në minutën e 90-të të saj për barazimin 2-2.
Një ndeshje e veçantë për Dakun, i cili e luajtur atë me “tapë në vesh” me kuptimin e plotë të fjalës.
Ai mbante një të tillë në veshin e majtë pas një goditje që kishte marrë gjatë javës së kaluar.
Megjithatë, në fushë sulmuesi kuqezi ishte i zakonshmi, duke kërkuar vazhdimisht golin përballë miqve që janë një nga superfuqitë e futbollit rus.
Zeniti në fakt ia doli që të shënonte dy herë në pjesën ë parë të ndeshjes, por me fillimin e pjesës së dytë Hoxha shkurtoi diferencën për ekipin e Rubin dhe në minutën e 90-të, Daku shënoi golin e barazimit përfundimtar 2-2 që i dha një pikë ekipit të tij.
Ky ishte goli parë i Dakut në këtë edicion në kampionatin rus të futbollit/Ora news/