Shpëtim Duro drejt rikthimit në futbollin kosovar – pritet të marrë drejtimin e Malishevës
Pas largimit të trajnerit Bekim Isufi nga skuadra e Malishevës, burime ekskluzive për TV Dukagjinin bëjnë të ditur se drejtuesit e klubit janë shumë afër arritjes së marrëveshjes me Shpëtim Duron, ish-trajnerin e Suharekës.
Trajneri me përvojë të madhe në futbollin shqiptar dhe atë kosovar pritet të rikthehet në Superligën e Kosovës për të marrë drejtimin e skuadrës nga “Liman Gegaj”, që synon stabilitet dhe përmirësim të rezultateve në edicionin e ri.
Negociatat janë në fazën përfundimtare dhe nëse gjithçka shkon sipas planit, emërimi i Duron në krye të Malishevës pritet të zyrtarizohet në ditët në vijim.