Bayern Munich nuk e ka ndërmend të dorëzohet në garën për transferimin e Luis Diaz të Liverpoolit.
Kampionët në fuqi të Gjermanisë i kanë dërguar ofertën e re klubit anglez në vlerë 67.5 milionë euro për Diaz.
Sipas medieve gjermane dhe britanike, Liverpool nuk e ka refuzuar ofertën, duke qenë tashmë të informuar për dëshirën e lojtarit për t’u transferuar në Gjermani.
Bisedimet mes dy klubeve janë në vijim, me optimizëm për arritjen e një marrëveshjeje.
Diaz është prej kohësh në krye të listës së dëshirave të Bayern-it për këtë verë, por bavarezët kanë bërë të qartë se nuk do të paguajnë çdo çmim për kolumbianin.
Shifra maksimale që Bayern është i gatshëm të ofrojë është 70 milionë euro./rtk live/