Një tentativë për vrasje ka ndodhur mbrëmë në rrugën “Ferid Curri” në Prishtinë, në afërsi të një hoteli, ku një person ka mbetur i plagosur me armë zjarri, ndërsa i dyshuari është dorëzuar në polici disa orë pas incidentit.
Sipas burimeve të Sinjalit, ngjarja ka ndodhur mbrëmë rreth orës 23:00, kur është raportuar për të shtëna armësh.
Në vendin e ngjarjes, policia ka gjetur 14 gëzhoja dhe njolla gjaku, ndërsa viktima, B.H. rreth 36-vjeçar, është transportuar në QKUK për trajtim emergjent.
Raporti mjekësor konfirmon se ai ka pësuar plagë nga arma e zjarrit.
I dyshuari është dorëzuar vetë në Policinë e Vushtrrisë.
Më 25 korrik, në prani të avokatit, ai është intervistuar nga hetuesit rajonalë dhe nga ai është sekuestruar një armë zjarri “Sig-Sauer”, me karikator dhe tre fishekë, që dyshohet të jetë përdorur në atentat.
Me urdhër të Prokurorit për Krime të Rënda, i dyshuari është dërguar në ndalim për 48 orë. Hetimet vazhdojnë./Front online/