Sulmuesi anglez Marcus Rashford është prezantuar zyrtarisht si lojtari më i ri i Barcelonës.
Sulmuesi anglez, i ardhur në huazim nga Manchester United me të drejtë blerjeje, u shpreh i entuziazmuar për sfidën e re në karrierën e tij.
“Mora vendimin e duhur. Mezi pres të luaj ndeshjen time të parë para tifozëve,” tha ai.
Rashford vlerësoi punën e trajnerit Hansi Flick dhe nivelin e lartë të skuadrës.
“Shumë lojtarë më kanë impresionuar, janë të rinj, por luajnë jashtëzakonisht mirë. Që kur kam ardhur, e kam ndjerë menjëherë atmosferën e përqendrimit dhe ambicies. Të gjithë janë të etur për sukses dhe mezi pres të jap kontributin tim”, ka theksuar ai.
27-vjeçari do të mbajë fanellën me numrin 14.
“E di që është një numër tradicional për klubin. Të luaj me këtë fanellë është një nder dhe më motivon akoma më shumë”, pohoi Rashford.
Në fund, Rashford foli me respekt për klubin që e rriti – Manchester United.
“Ata po kalojnë një periudhë ndryshimi. Kam kaluar shumë vite atje dhe jam mirënjohës për gjithçka. U uroj gjithë të mirat”, përfundoi sulmuesi anglez./Rtk live/