Kylian Mbappé po përgatitet për sezonin e tij të dytë si lojtar i Real Madridit – dhe ky sezon pritet të jetë shumë i rëndësishëm për të. Në sezonin debutues, ai mbante fanellën me numrin 9, por për sezonin 2025-26 ai do të ketë një numër të ri në shpinë.
Nga ana individuale, Mbappé pati një sezon mbresëlënës, duke fituar Këpucën e Artë Evropiane dhe Trofeun Pichichi. Megjithatë, ai nuk arriti ta ndihmonte Real Madridin të fitonte një trofe të madh, përveç Superkupës Evropiane dhe Kupës Ndërkontinentale.
Mbappé shpreson që sezoni i dytë në “Santiago Bernabéu” të jetë më i suksesshëm – dhe do të jetë një fillim i ri në një mënyrë, pasi do të mbajë fanellën me numrin 10, gjë që e ka “konfirmuar” vetë me një postim në rrjetet sociale, ku publikoi thjesht: “10”.
Ky numër nuk është i ri për të, pasi ai mban numrin 10 edhe me kombëtaren e Francës. Ai do të shpresojë që ta ketë të njëjtin ndikim edhe me këtë numër, siç pati me numrin 9 në sezonin e tij të parë. Me këtë ndërrim, Mbappé ndjek hapat e idhullit të tij, Cristiano Ronaldos, i cili gjithashtu ndryshoi numrin pas sezonit të parë në Madrid.
Tani lind pyetja: kush do ta marrë numrin 9? Kandidatët aktualë janë Endrick Felipe dhe Gonzalo Garcia. Endrick është favoriti, pavarësisht thashethemeve për një largim që nuk do të ndodhë tani, për shkak të një lëndimi.
Mund të ndodhë që Real Madridi ta lërë të lirë numrin 9 gjatë sezonit 2025-26, me synimin që vitin e ardhshëm ai t’i jepet Endrickut, Gonzalos apo ndonjë përforcimi të ri/.Gazeta Express/