Arsenali ka triumfuar ndaj Milanit me rezultatin minimal 1-0 në ndeshjen e parë miqësore të sezonit, e zhvilluar të mërkurën në Singapor.
Një gol i Bukayo Saka në pjesën e dytë vendosi fatin e kësaj sfide luksi mes dy gjigantëve evropianë.
Massimiliano Allegri, i cili debutoi me humbje në kry të milanistëve, zgjodhi të luante me skemën 3-5-1-1, me Christian Pulisic në rolin e mesfushorit ofensiv pas Rafael Leaos.
Pavarësisht përpjekjeve, pjesa e parë u mbyll pa gola, ndërsa Arsenali ishte më kërkues dhe rrezikoi me talentin Nëaneri.
Në fraksionin e dytë, londinezët gjetën rrjetën me Sakën, i cili shfrytëzoi një moment hutimi në mbrojtjen e Milanit.
Arsenali kishte rast edhe për golin e dytë, por portieri i ri Torriani u shfaq në lartësinë e duhur, duke ruajtur portën kuqezi.
Ndeshja u mbyll me fitoren minimale të “Topçinjve”, që marrin kështu një fitore prestigjioze në përgatitjet e tyre verore./RTK LIVE/