Komoran – Një ngjarje e rëndë ka ndodhur sot në Komoran, ku një person është gjetur i vdekur në banjon e pikës së derivateve HIB Petrol.
Emergjenca e Qendrës Kryesore të Mjekësisë Familjare në Komoran është njoftuar menjëherë dhe ka dalë në vendin e ngjarjes, ku mjeku kujdestar ka konstatuar vdekjen e viktimës, një person rreth 56 vjeç. Identiteti i tij ende nuk është bërë publik.
Shkaqet e vdekjes mbeten të panjohura, ndërsa Policia e Kosovës dhe prokurori kujdestar janë duke hetuar rrethanat e ngjarjes për të zbardhur plotësisht situatën.