Real Madrid po synon t’i ofrojë trajnerit të ri Xabi Alonso një skuadër sa më të fortë për sezonin e ardhshëm, duke përfshirë jo vetëm përforcime të reja, por edhe rinovime kontratash për lojtarët më të rëndësishëm të klubit.
Trent Alexander-Arnold iu bashkua ‘Los Blancos’ si lojtar i lirë nga Liverpool, ndërsa Dean Huijsen u transferua nga Bournemouth për 50 milionë euro.
Po ashtu, Alvaro Carreras dhe Franco Mastantuono kanë kompletuar kalimet e tyre te Real Madridi, ndërkohë që Alonso synon një fillim pozitiv në stolin e klubit në ‘Santiago Bernabeu’.
Përveç blerjeve të reja, drejtuesit madrilenë thuhet se janë duke planifikuar disa rinovime kyçe për lojtarët më të rëndësishëm të skuadrës. Pas largimit të Luka Modric, i cili nuk e rinovoi kontratën, Alonso pritet të kërkojë një zëvendësues të denjë për udhëheqjen dhe të caktojë një kapiten të ri.
Një nga kandidatët potencialë është portieri Thibaut Courtois, i cili po hyn në sezonin e tij të shtatë me Real Madridin që nga transferimi nga Chelsea në vitin 2018.
Portieri belg mbetet pa kontratë në fund të sezonit të ardhshëm, por sipas mediave spanjolle, drejtuesit e Real Madridit janë të vendosur ta mbajnë atë në klub përtej vitit 2026.
Megjithatë, Real Madrid tradicionalisht nuk ofron kontrata më të gjata se një vit për lojtarët mbi 30 vjeç, politikë që nuk është thyer që nga viti 2016 kur i ofruan një marrëveshje të tillë Cristiano Ronaldo Sipas Relevo, klubi është i gatshëm t’i ofrojë Courtois një kontratë dyvjeçare, e cila do ta mbante në Madrid deri në verën e vitit 2028, kur ai do të ishte 36 vjeç, një vendim që do të përbënte një përjashtim të rrallë nga politika tradicionale e klubit./Lajmi ,Net/