Arabia Saudite është gati të bëjë një tjetër goditje të madhe në këtë afat kalimtar. Sipas gazetarit Ben Jacobs për talkSPORT, klubet saudite po përgatisin një ofertë prej plot 350 milionë eurosh për yllin brazilian të Real Madridit, Vinicius Jr.
Kjo lëvizje vjen në një moment kur bisedimet për rinovimin e kontratës së Viniciusit me “Los Blancos” kanë ngecur plotësisht.
Edhe pse braziliani ka shprehur dëshirën për të qëndruar në Madrid, ai kërkon një pagë rreth 30 milionë euro në sezon – që do ta bënte atë lojtarin më të paguar në historinë e klubit
Real Madridi, nga ana tjetër, nuk është i gatshëm të plotësojë këto kërkesa, çka ka çuar në ndërprerjen e negociatave.
Vinicius ka kontratë me Real Madridin deri në vitin 2027, por mbetet për t’u parë nëse klubi do të tentojë ta shesë tani – për të shmangur rënien e vlerës së tij në vitin 2026, kur do të hyjë në vitin e fundit të kontratës.
Edhe pse ende nuk e ka mbyllur derën përfundimisht për një transferim në Lindjen e Mesme, prioriteti i Vinit mbetet vazhdimi në “Santiago Bernabéu”.
Megjithatë, oferta nga Arabia Saudite pritet të testojë seriozisht qëndrueshmërinë e tij dhe qëndrimin e klubit/Demokracia.com/