Veterani i mesfushës Luka Modriq, përfundimisht do të vishet “Kuq e Zi”.
Kroati do t’i bashkangjitet AC Milanit.
Eksperti i transferimeve Fabrizio Romano, ka njoftuar se gjiganti italian për të hënën ia ka rezervuar terminin për testet mjekësore.
Modriq ndeshjen e fundit në fanellën e Real Madridit e luajti të mërkurën më 9 korrik, në humbjen prej 4 me 0 ndaj Paris Saint Germain.
Ai pati një periudhë të lavdishme te “Los Blancos”, duke i fituar 28 trofe duke u bërë futbollisti më i trofeshëm i klubit madrilen.
Për më shumë se një dekadë, “magjistari i mesfushës”, luajti në 597 ndeshje zyrtare duke i shënuar 43 gola dhe bërë 95 asistime.
39 vjeçari, ka fituar gjithçka që mund ta fitojë një lojtar, përfshirë këtu Ligën e Kampionëve, La Ligan, Kupën e Spanjës, Superkupën e Spanjës, Superkupën e Evropës dhe Botërorin e Klubeve.
Ndër të tjera, ai e ka fituar edhe Topin e Artë në vitin 2018.
Por, fatkeqësisht kapitullin te Real Madridi ai e mbylli pa asnjë trofe, transmeton Klankosova.tv.
Te “Rossonerët” Luka Modriq, do të kalojë si lojtar i lirë pas skadimit të kontratës me mbretërit.
Ai do të luajë së paku një vit në San Siro, duke vendosur më pas nëse do të pensionohet apo do të vazhdojë të luajë edhe një vit tjetër./Klan Kosova.tv/