Një person ka mbetur i plagosur në Vushtrri rreth orës 21:00, si pasojë e të shtënave me armë zjarri.
Zëdhënësja e Policisë për Rajonin e Mitrovicës, Fexhrije Pllana, ka dhënë detaje për ngjarjen, duke bërë të ditur se i plaogosuri, pas ndihmës së parë mjekësore në urgjencën e Vushtrrisë, është transferuar për trajtim në Qendrën Klinike Universitare të Kosovës.
“Sot rreth orës 20:59 nga urgjenca e Vushtrrisë është raportuar për një person të lënduar e që dyshohet nga arma e zjarrit. Personi në fjalë, pas marrjes së tretmanit është dëguar në QKUK për trajtime të mëtutjeshme”, tha Pllana për Klankosova.tv.