Wednesday, July 9, 2025
HomeKulturëLetersiArjana Fetahu Gaba-Ç'janë kujtimet e bukura

Arjana Fetahu Gaba-Ç’janë kujtimet e bukura

E ç’janë kujtimet e bukura
Copëza lumturie,
që qëndrojnë në një pjesë të shpirtit,
pa u ndryshuar asnjë detaj,
pa u humbur asnjë ngjyrë,
pa harruar asnjë rrahje të zemrës.

Ti mban mënd fare mirë se ç’ndjeje,
kur merrje a jepje përqafime,
nuk mund të humbasësh nga memorja asnjë moment,
nga ato kujtime dhe po të doje,
sepse i ke ruajtur aq mirë,
sikur guaska perlën e rrallë thellësive.

Kur të palosësh kalendarin e fundit,
ke ç’të sjellësh ndër mënd, mes syve të tu të hirtë e të mallëngjyer.
Ti s’mund të tregosh për ditët,
kur bleje çanta, bizhu apo dhe makina të shtrenjta,
as dhe kur frekuentoje verën më të vjetër në restorantet me pesë yje,
sepse nuk do të kenë më rëndësinë që u ke dhënë,
por që s’do të kenë të paguar,
do të jenë momentet,
kur vatra ish më e ngrohtë me nënën,
kur në sofër dikur fëmijë,
mblidheshit kokë më kokë rreth tepsisë me tërhanë të hollë,
e prap nuk shuhehin të qeshurat me të madhe
kur shpirti pa me sytë e tu,
sesi qielli ish aq blu kur dashuroje e të magjepsnin sytë e djalit,
sesi dimri ish po aq i butë si vjeshta me miq të mirë,
kur deti ish më I dashur me fëmijët e tu e zërat e tyre,
ose kur festat e ditelindjet,
ti kishe me kë ta bëje gëzuar.

Kur të gjitha këto,
ti kesh bërë si njeri i thjeshtë,
pa qënë një Ajnshtajn, Mozart, Neruda, apo Picasso,
mos harro t’u thuash me plot gojë kë të pyesë,
se ti ke jetuar,
e këto janë kujtime që jetojnë në lëndinën e lumtur të trurit tënd,
mos harro t’u thuash dhe që
ti ke pare me syte e shpirtit dhe se
sa shumë të ka dashur Zoti!

RELATED ARTICLES
- Advertisment -