Agjencia e Statistikave e Kosovës (ASK) ka publikuar raportin e radhës me titull “Të dhënat për banesat dhe ndërtesat sipas komunave”, që vjen si rezultat i regjistrimit të popullsisë, ekonomive familjare dhe banesave 2024.
Sipas të dhënave të ASK-së në Kosovë ekzistojnë gjithsej 581,095 banesa. Prej tyre, 356,959 janë të banuara nga një ose më shumë banorë, ndërsa 207,165 banesa, që përbëjnë 35.7% të totalit, janë të pabanuara, raporton Indeksonline.
Sipas të dhënave të publikuara, në Kosovë ka gjithsej 581,095 banesa. Nga to, 356 959 janë të banuara nga një ose më shumë banorë, ndërsa 207 165 banesa (ose 35,7%) janë të pabanuara, përfshirë ato të destinuara për shitje, qira apo përdorime të tjera”, thuhet në raportin e ASK-së.
Të dhënat ofrojnë një pasqyrë të detajuar për strukturën e banesave dhe ndërtesave në nivel kombëtar dhe komunal, duke përfshirë disa indikatorë kyç si: numri i banesave sipas komunave, tipi i vendbanimit (urban apo rural), statusi i banesave (të banuara apo të pabanuara), mënyrat e furnizimit me ujë dhe shkarkimit të ujërave të zeza, mënyra e ngrohjes, si dhe numri i dhomave në banesat e zakonshme./Front online/