Ndeshja e raundit të 16-të të Kupës së Botës për Klube mes gjigantëve evropianë Real Madrid dhe Juventus, e planifikuar për sonte në Miami (ora 21:00), mund të shtyhet ose anulohet për shkak të stuhisë së paralajmëruar.
Sipas Shërbimit Meteorologjik të SHBA-së, priten reshje të dendura shiu dhe stuhi me bubullima midis orës 14:00 dhe 15:00 sipas orës lokale, konkretisht në zonën e Miamit ku po luhet ndeshja.
Rreziku i stuhive rritet në fillim të ndeshjes, e cila do të luhet në stadiumin e famshëm Hard Rock.
Organizatorët janë të përgatitur të përgjigjen sipas protokolleve të rrepta të sigurisë, të ngjashme me ato në ligat profesionale amerikane si MLS dhe NFL.
Protokolli parashikon një ndërprerje minimale prej 30 minutash nëse zbulohet një goditje rrufeje brenda një rrezeje prej rreth 13 kilometrash nga stadiumi. Çdo goditje e re rrufeje e zgjat ndërprerjen me 30 minuta të tjera.
Kujtojmë se pikërisht për shkak të kushteve të tilla të motit, ndeshja midis Chelseat dhe Benficës u ndërpre së fundmi për gati dy orë./Gazeta Blic Sport/