Në muajt e ardhshëm mund të ketë një riangazhim të Shteteve të Bashkuara të Amerikës në dialogun Kosovë-Serbi, duke përfshirë një ulje të mundshme të liderëve të dy vendeve në Zyrën Ovale. Kështu deklaroi Charles Kupchan, anëtar i Këshillit për Marrëdhënie me Jashtë në SHBA dhe ish-këshilltar i presidentit Barack Obama, shkruan Gazeta Sinjali.
Duke folur për A2 CNN, Kupchan u shpreh:
“Në mandatin e parë bëri progres në lidhjet e Kosovës e Serbisë dhe njohjet e Izraelit. Europa duhet të mendojë që të drejtojë këtë proces. Për sigurinë e vet dhe SHBA të jetë më e lirë për të qëndruar në indiano-paqësor. Në 6-8 muajt e ardhshëm do të shihni ulje të pranisë ushtarake në Europë. Mendoj se do të shihni edhe një riangazhim të Uashingtonit në dialogun Kosovë-Serbi dhe Trump që të sjellë liderët e dy vendeve në Zyrën Ovale, Trump e sheh veten e tij si paqebërës.”
Kupchan theksoi se marrëveshja e arritur më parë, ndonëse e pashkruar, mbetet një bazë për të ecur përpara. Ai shprehu bindjen se do të vijë një kohë kur të dy palët do të bëjnë kompromiset e nevojshme për paqen.
“Ne kemi ende në tavolinë një perspektivë që ofron dritë në fund të tunelit dhe është marrëveshja që negociatorët e BE dhe palët ranë dakord megjithëse nuk e nënshkruan. Por deri tani ne jemi në një pozitë të vështirë se pa qëndrueshmëri politike në Beograd dhe të njëjtën në Prishtinë. Mendoj që do arrijë një ditë dhe jo shumë larg në kohë që të dy vendet të bëjnë kompromisin e vështirë e të dhimbshëm për të arritur paqen.”
Kupchan vlerësoi zhvillimet në Kosovë, por vuri në dukje se veprime të caktuara kanë penguar përparimin e dialogut.
“Kurti ka bërë disa gabime gjatë mandatit të tij, që ka ndërmarrë veprime megjithëse kanë konsistente me të drejtën e Kosovës për sovranitet, ishin provokative dhe bënë hapa pas në dialog. Por nuk është përgjegjësia e Kosovës se pala që ka tërhequr këmbën zvarrë është Serbia, por duhet që Beogradi dhe Prishtina të bëjnë kompromisin e vështirë.”
Duke komentuar mbi të ardhmen e rajonit, ai u shpreh optimist për integrimin euroatlantik të Ballkanit.
“Ne kemi ende shumë punë për të bërë në Ballkan. Prishtina ka pësuar zhvillim të madh, por marrëdhëniet me Serbinë ngelen të dobëta. Në Bosnjë Hercegovinë qeveria ngelet e ndarë në vija etnike, Republika Srpska mbetet aktor i vështirë, Rusia e përdor këtë hapësirë në Serbi për të përfituar avantazh nga këto boshllëqe në rajon. Nuk pres rikthim të një konflikti të një shkalle të gjerë, por është shumë e rëndësishme për SHBA e BE që të drejtojnë e përdorin diplomacinë për të shtyrë Prishtinën e Beogradin që të ecin përpara. Ka ende shumë punë për të bërë por jam optimist për rezultatin final. Parashikoj integrimin e plotë të Ballkanit në BE e NATO.”/Kosovarja.