Policia ka shpëtuar jetën e një gruaje në magjistralen Vushtrri-Mitrovicë, e cila ishte e shtrirë në tokë.
Në njoftimin e policisë bëhet e ditur se zyrtarët janë ndaluar dhe i kanë ofruar ndihmën e parë personit i cili ishte i alivanosur, shkruan Insajderi.
“Zyrtarët policorë nga Drejtoria e Njësive Speciale Intervenuese, përgjatë magjistrales Vushtrri-Mitrovicë, kanë hasur në një person të gjinisë femërore e cila ishte e shtrirë në tokë. Zyrtarët janë ndaluar dhe i kanë ofruar ndihmën e parë personit i cili ishte i alivanosur”.
“Falë intervenimit të shpejtë dhe profesional të zyrtarëve policorë, personi ishte këndellur dhe është mbajtur nën kontroll deri në ardhjen e ambulancës”, thuhet tutje në njoftim.