Ndërkohë që qytete ikonike si Venecia, Barcelona dhe Athina përballen me protesta të banorëve të lodhur nga pasojat e mbiturizmit – rritja e qirave, ndotja dhe mbipopullimi – vëmendja e shumë turistëve po zhvendoset drejt vendeve më pak të eksploruara..
Shqipëria po del në skenë si një destinacion i ri, irrekomanduar nga blogerë dhe platforma ndërkombëtare, për bukuritë natyrore, çmimet e arsyeshme dhe përvojën më autentike që ofron.
Interesi për Shqipërinë është rritur ndjeshëm vitet e fundit, me shumë vizitorë që zgjedhin bregdetin shqiptar si alternativë ndaj vendeve të tejmbushura, raporton Monitor, transmeton Periskopi.
Në të njëjtën kohë, strukturat akomoduese dhe shërbimet turistike po pësojnë përmirësime, duke i dhënë Shqipërisë avantazhin e një destinacioni “të ri” në sytë e vizitorëve të huaj, pa sfidat që po përjetojnë qytetet klasike të turizmit europian./Periskopi