Një fëmijë rreth moshës 4-vjeç ka humbur jetën pasditen e së dielës në fshatin Dardani të komunës së Vitisë, pasi dyshohet se është goditur nga një veturë në oborrin e shtëpisë.
Zëdhënësi i Policisë për rajonin e Ferizajt, Kanun Veseli, tha për “Front Online” se fëmija u dërgua pa shenja jete në ambulancën e fshatit Pozheran..
Ngasësi i automjetit, i cili ka lidhje familjare me viktimën, është ndaluar nga Policia dhe është shoqëruar në stacionin policor në Ferizaj, njoftoi Veseli.
“Me datën 22.06.2025 rreth orës 18:35, nga stacioni policor në Viti jemi njoftuar se në ambulancën e fshatit Pozheran është dërguar një fëmijë rreth moshës 4-vjeç, i cili është konstatuar pa shenja jete nga mjeku kujdestar. Dyshohet se fëmija është goditur nga një veturë në fshatin Dardani, në oborrin e shtëpisë, ndërsa ngasësi – ka lidhje familjare me viktimën. I dyshuari është shoqëruar në stacionin policor në Ferizaj, ndërsa në vendin e ngjarjes kanë dalë njësitet përkatëse policore për të ekzaminuar vendin. Për të gjitha veprimet policore është njoftuar prokurori i shtetit, i cili ka urdhëruar inicimin e rastit “Shkaktim i rrezikut të përgjithshëm” dhe ngasësi i veturës është ndaluar në mbajtje për 48 orë”, ka deklaruar Veseli.