Një aksident i rëndë trafiku që ndodhi më 6 qershor në fshatin Lushtë përgjatë rrugës rajonale Pejë–Mitrovicë ka përfunduar tragjikisht për 34-vjeçarin Lavdim Hoti nga Skenderaj i cili humbi jetën pas 14 ditësh trajtim intensiv në QKUK,.
Sipas burimeve të Sinjalit, Hoti kishte qenë duke drejtuar veturën “Volkswagen 1K” kur në një kthesë të thellë humbi kontrollin dhe përfundoi në humnerë. Në veturë ndodheshin edhe dy pasagjere – L.N., rreth 29-vjeçare dhe D.H., rreth 18-vjeçare – të cilat pësuan lëndime, por fatmirësisht janë jashtë rrezikut për jetë.
Aksidenti kishte ndodhur si pasojë e mosadaptimit të shpejtësisë me kushtet e rrugës, çka rezultoi me lëndime të rënda për shoferin dhe pasagjeret. Më 20 qershor, rreth orës 19:55, Hoti ndërroi jetë në Repartin Intensiv të QKUK-së në Prishtinë.
Me vendim të prokurorit kujdestar, trupi i pajetë i viktimës është liruar për familjarët, pa u dërguar në Institutin e Mjekësisë Ligjore. Hetimet për këtë rast po vazhdojnë nga Njësia Rajonale e Trafikut Rrugor në Mitrovicë./Drenica sot.Net/