Ish-portieri i Milanit dhe kombëtares braziliane, Nelson Dida, në një intervistë për mediet brazilian, ka thënë se Carlo Ancelotti mund të bëjë gjera të mëdha me Kombëtaren e Brazilit.
Sipas Didës, strategu italian e ka nisur mirë punën në krye të bankinës braziliane.
“Ancelotti? Ne të gjithë e njohim, ai është një trajner i shkëlqyer dhe me të vërtetë mund të bëjë gjera të mëdha për Brazilin”, ka thënë Dida.
“E ka filluar mirë punën, pa pësuar gol në dy ndeshjet e para, dhe tani që kualifikimi është arkivuar, do të ketë kohë të përgatitet mirë për Kupën e Botës”, ka theksuar Dida.
Braziliani nuk kurseu fjalët e mira edhe për Massimiliano Allegrin, i cili pak ditë më parë mori drejtimin e Milanit.
“Allegri? Edhe ai është një trajner i shkëlqyer që ka fituar me Milanin. E njeh mirë ambientin dhe e di se në atë klub gjithmonë luhet për të fituar”, ka pohuar Dida./Rtklive/