Parku i pishave në Sllatinë është përfshirë nga zjarri mëngjesin e sotëm.
Lajmin për Telegrafin e ka konfirmuar drejtori i zjarrfikësve, Malë Gashi.
Gashi tha se kanë angazhuar ekipe shtesë për shkak të sipërfaqes së madhe që është përfshirë nga zjarri.
“Po, në ora 09:30 është pranuar informata për zjarr në Parkun e pishave në Sllatinë. Ekipi i zjarrfikësve ka dalë menjëherë në vendin e ngjarjes, ku ishte e përfshirë nja sipërfaqe e madhe nga zjarri. Kemi angazhuar personel shtesë pra 10 persona”, tha Gashi.
Shefi i zjarrfikësve tha se në vendin ngjarjes janë gjithsejtë 14 zjarrfikës dhe 3 automjete dhe se ekipet ende janë duke vazhduar me shuarjen e zjarrit.
Ndryshe jozyrtarisht mësohet se nga zjarri janë përfshirë rreth 3 hektarë me pisha dhe se kjo ka ndodhur si rezultat i pakujdesisë së qytetarëve./Demokracia.com/