Erling Haaland vazhdon të mbetet objektiv i Real Madridit.
“Los Blancos” së fundmi thuhet se arritën marrëveshje me Kylian Mbappen për ta transferuar nga vera e ardhshme.
E ndërkohë, mediat spanjolle raportojnë se në mendjen e presidentit Florentino Perez është edhe ylli i Manchester Cityt.
Në kontratën e sulmuesit norvegjez me kampionin evropian janë përfshirë klauzola të ndryshme të shkëputjes së kontratës, shkruan mediumi spanjoll “AS”, përcjell “Gazeta Express”.
Për Real Madridin është paraparë një përgjysmim i klauzolës së lojtarit.
Gjithnjë sipas këtij mediumi, “Los Blancos” duhet t’i paguajnë “vetëm” 100 milionë euro, e jo 200 milionë, nëse duan ta bëjnë të vetin njërin prej sulmuevse më të mirë në Evropë. /Gazeta Express/