Trajneri i Manchester City, Pep Guardiola, ka thënë se kualifikimi për kompeticionin më të madh europian, Champions League, është në dorë të skuadrës së tij.
Ai ka folur para ndeshjes kundër Fulham, e cila do të zhvillohet të dielën pasdite. City është një nga skuadrat që luftojnë për kualifikimin në Champions League këtë fundjavë dhe nuk mund të lejojë humbje pikësh ndaj Fulham, që tashmë i ka shuar shpresat evropiane pas humbjes së Brighton ndaj Liverpool javën e kaluar.
Në tabelë, Liverpool është në krye dhe tashmë është shpallur kampion, ndërsa City ndodhet në vendin e tretë me gjashtëdhjetë e tetë pikë. Por prapa janë tre skuadra që kanë nga gjashtëdhjetë e gjashtë pikë: Newcastle, Chelsea dhe Aston Villa, të cilat presin një gabim të skuadrës së drejtuar nga Guardiola për t’ia rrëmbyer vendin.
“Është më mirë kur arrin në ndeshjen e fundit duke ditur se gjithçka varet nga ti”, ka thënë Guardiola për gazetarët. “Na duhet vetëm një pikë për të siguruar Champions League për sezonin e ardhshëm, por duhet të fitojmë kundër një kundërshtari të fortë”./RTKlive/