Superkupa e radhës e Italisë do të luhet në Arabinë Saudite, siç njoftoi dje Lega Serie A, por vendosja e saj në kalendar është e lidhur me rezultatet e Interit. Liga konfirmoi formatin me katër ekipe dhe mori OK nga organizatorët sauditë, por data e ndeshjeve – dy gjysmëfinale dhe një finale – do të varet kryesisht nga fitimi ose jo i Champions nga Interi.
Në rast se skuadra e Simone Inzaghit – e cila, ashtu si Napoli, duhet ende të kualifikohet matematikisht në këtë kompeticion, ndërkohë që Bolonja dhe Milani janë tashmë të zyrtarizuat falë finales së Kupës së Italisë – do të triumfonin në Champions League, në fakt, ata do të thirreshin edhe për të luajtur në Kupën Ndërkontinentale, e ruajtur në kalendarin e ri të muajit dhjetor pavarësisht Kupës së Botës FIFA.
Në atë rast, turneu ndoshta do të zhvillohet në janar, siç ka ndodhur në të kaluarën. Nëse nje klub tërhiqet nga kompeticioni, kjo do të sillte sanksione financiare ose sportive.
Ndërkohë, Liga po shikon edhe përtej kufijve: gjatë takimit të djeshëm – të zhvilluar online – u diskutua sërish mundësia, tani për tani vetëm teorike, për të luajtur një ndeshje kampionati jashtë Italisë. Ky është një projekt ambicioz, por me pengesa të konsiderueshme burokratike, duke pasur parasysh përfshirjen e nevojshme të FIFA-s dhe UEFA-s.