Paris Saint-Germain ka marrë një fitore të madhe në udhëtim ndaj Arsenal, duke hedhur një hap të rëndësishëm drejt finales së Champions League.
Francezët kanë triumfuar me rezultat minimal 1-0 të martën mbrëma në stadiumin “Anfield”, falë një goli të hershëm të Ousmane Dembele.
Sulmuesi francez e ka zhbllokuar ndeshjen në minutën e katërt pas një aksioni të shpejtë dhe të koordinuar të PSG-së.
Arsenal është përpjekur të rikthehet në lojë, dhe në fillim të pjesës së dytë ia ka arritur ta dërgojë topin në rrjetë përmes Mikel Merino në minutën e 47-të. Megjithatë, pas rishikimit në VAR, goli ështv anuluar për pozitë jashtë loje.
Me kalimin e minutave, PSG ka pasur mundësi ta thellojë epërsinë, por përballë portës futbollistët e skuadrës së Luis Enriques nuk janë treguar të saktë, duke shpërdoruar disa raste të pastra.
Ndeshja e kthimit do të luhet pas një jave në “Parc des Princes” në Paris, ku do të përcaktohet përfundimisht finalisti i parë i këtij edicioni.
Përballja tjetër gjysmëfinale, mes Barcelonës dhe Interit, zhvillohet të mërkurën në “Montjuic” të Barcelonës./RTK/