Real Madrid ka siguruar një fitore të rëndësishme në La Liga duke mposhtur Villarreal me rezultat 2-1 në një ndeshje të zhvilluar në “Estadio de la Ceramica”, ku Kylian Mbappe ka qenë protagonist absolut.
Vendasit e kanë nisur më mirë sfidën dhe kanë kaluar në epërsi që në minutën e shtatë me golin e mbrojtësit Juan Foyth. Megjithatë, Mbappe e ka marrë skenën duke përmbysur gjithçka brenda pak minutash. Ai barazoi rezultatin në minutën e shtatëmbëdhjetë dhe e ka shënuar golin e dytë në minutën e njëzet e tretë pas një asistimi nga Lucas, duke i dhënë avantazhin “Los Blancos”.
Pjesa e dytë nuk ka sjellë gola, me Real Madrid që ka menaxhuar mirë avantazhin, ndërsa Villarreal nuk ka arriur ta gjejë rrjetën për të shmangur humbjen.
Me këtë fitore, Real Madridi gjendet kreun e tabelës me gjashtëdhjetë pikë, por ka dy ndeshje më shumë se Barcelona, e cila ndodhet në vendin e dytë me pesëdhjetë e shtatë pikë. Villarreal gjendet në pozitën e pestë me dyzet e katër pikë, duke vazhduar garën për një vend në zonën evropiane./RTK/