Sipas raportimeve të mediave të huaja, ylli brazilian Neymar Jr po synon të rikthehet te Barcelona gjatë verës, përcjell Gazeta Metro.
33-vjeçari brazilian aktualisht ndodhet te Santos në Brazil, pas kalimit që bëri nga Al-Hilal në Arabinë Saudite.
Sipas mediave të cituara nga gazetari Fabrizio Romano, Neymar ka synim të bëjë një rikthim të madh te Barcelona.
Përkundër kësaj, nuk ka asnjë shenjë për momentin që Barcelona është e interesuar për shërbimet e Neymar Jr, i cili thënë të drejtën ka vite të tëra që nuk është në formë dhe është i prirur për të pasur lëndime.
Neymar Jr qëndroi te Barcelona nga viti 2013 deri më 2017, atëherë kur u largua drejt PSG-së. Te klubi katalanas, Neymar fitoi tripletën dhe u bë pjesë e një treshe të frikshme bashkë me Lionel Messi dhe Luis Suarez./gazetametro.net