Agjencia e Lajmeve Ekonomia Online ka njoftuar për ndarjen nga jeta të gazetarit, themeluesit dhe pronarit të saj, Faton Osmani, në moshën 49-vjeçare.
“Ka vdekur në moshën 49 vjeçare Faton Osmani, themeluesi dhe pronari i Agjencisë së Lajmeve Ekonomia Online. Kontributi i tij në fushën e medias dhe informimit në Kosovë ka qenë i jashtëzakonshëm, duke ofruar lajme të besueshme dhe profesionale për publikun e gjerë”, thuhet në njoftimin e agjencisë.
Osmani do të mbahet mend për përkushtimin e tij ndaj gazetarisë së pavarur dhe për rolin e tij në zhvillimin e medias në vend. Para themelimit të Ekonomia Online, ai kishte një karrierë të pasur në media vendore dhe ndërkombëtare, duke punuar si gazetar dhe redaktor në media të shkruara dhe televizione.
“Ngushëllimet tona më të sinqerta familjes, miqve dhe kolegëve të tij në këtë moment të vështirë”, ka shtuar më tej agjencia.
Sipas njoftimit, informacione të mëtejshme rreth ceremonisë mortore do të bëhen të ditura në vijim.