Kandidati i PDK-së për Kryeministër, Bedri Hamza, e ka nisur ditën me një video, ku radhit premtimet për rritje pensionesh për 70%, rritjen e pagave në sektorin publik për 50% dhe grantet deri në 30% për bizneset.
Hamza u ka kërkuar qytetarëve që të votojnë për Kosovën që mundet ma mirë, sepse e ka ekipin dhe programin më të mirë.
“Më 9 shkurt, votoni për Kosovën që mundet ma mirë, sepse e kemi ekipin dhe programin më të mirë. Pensionet bazike do të rriten për 70%, pagat për 50% dhe do të ofrojmë grante deri në 30% të vlerës së investimit për bizneset”, ka thënë Hamza.
“Tatimet do t’i ulim dhe do të sigurojmë që bizneset të ofrojnë kushte më të mira të punës edhe për punëtorët”, ka shkruar Hamza.
PDK-ja, e cila garon me numrin 131 në zgjedhjet e 9 shkurtit, do të mundohet të performojë më mirë se në zgjedhjet e kaluara të vitit 2021, atëherë kur mori 17% të votave në nivel vendi./gazetamerto.net